Hey Ishwar ,
Sthir Aur Shant Chith Se
Apni Aankho ko Band kar
Jab Kabhi bhi maine Apne Bheetar
tumhe Talashne ka Prayas Kiya
Har Bar Tumne Mujhe
Apne Hone Ka ehsas Diya
Mere Man mein uthne wale sabhi prashno ka Hal bhi
Mere samne Rakh diya
Jab Jab Mere Man Shareer Aur Mastisk ke Beech
Santulan Bigda
aapne use theek kiya
Hey Ishwar mai aapke hone ke ehsas matra se
Na jane Kin kin
Paramanovagyanik Awasthaon ko prapt ho jata hun
Ye shanti Ye Anand ki Awastha
jise sabdon mein vyakt karne maein Asamarth hun
Main to bas aapko manan karte rahna chahta hun
aur aap ne jo kuch bhi diya hai
uske liye Hriday ki anant gahraiyon se
aapka harbaar Barbar Dhanyavaad karna chahta Hun
Aapka he Ansh
Rajeev Singh