Lamha-Lamha Sal Gujarte Jate Hain

Gud ka Mausam , Gular Ki Khusboo
Pero par aamiya , kheto main Kankri
Bulbul ki chah chah , Koyal ki koo – koo
Gaoun , Gali ,Pagdandi aur sadak
Wahin Khade Hain Aaj bhi Shayad

Din, Mahene, Mausam Sab Aate Jate Hain
Kabhi Hansate Kabhi Rulate
Sal gujarte Jate Hain

Kuch Rishte lekar Aate ,Kuch rishton ko le Jate
Kuch Sapne Lekar Aate ,Kuch Yadein dekar Jate
Din, Mahene, Mausam Sab Aate Jate Hain
Lamha Lamha Sal Gujarte Jate Hain

Kadi Dhoop ho, Ghani Rat ho
Hawa tez ho ya Barish ho
Jevan Ki Tirchi Terhi Pathreli Raho par

Sukh Dukh Aate aur Jate Hain

Lamha Lamha Sal Gujarte Jate Hain

Sathi Sangi Rishte Aur Nate
Ek Ek Kar chute Jate Hain

Jiwan Hai ek Jalta Diya Jalta hai ye umra liye
Muthhi main Ret Bhari
Ho Jaise
Ye Umra Fisalti Jati Hai
Katra Katra Lamha Lamha
Ye Umra Gujarti Jati hai
Ya youn SamjhoLamha Lamha Sal Gujarte Jate hain